73.ஆத்துமா வனாதியோ வாத்துமா

சிவவாக்கியர்
**************
73.ஆத்துமா வனாதியோ வாத்துமா வனாதியோ
பூத்திருந்த ஐம்பொறி புலன்களு மனாதியோ
தாக்கமிக்க நூல்களுஞ் சதாசிவ மனாதியோ
வீக்கவந்த யோகிகாள் விரித்துரைக்க வேணுமே.

அனாதி = ஆதியில்லாமை, இறைவன், சிவன்
வீக்க = கட்ட, பூரிக்க, மிக

நம்முடலில் ஓடும் ஆத்துமா(சீவாத்துமா) அனாதியோ?
பரமாத்துமாவான இறைவன் அனாதியோ?
நம்முடலில் பூத்திருந்த ஐம்புலன்களும் அனாதியா?
ஞானம் புகட்டும் சாற்றிறங்கள் அனாதியா?
இறுதியில் சதாசிவமான அனாதியே அனாதியா?
உயிர் மூச்சைக் கட்ட வந்த யோகிகளே, இவற்றை விளக்கமாக உரைக்கவேண்டுமே!