53.நாழியும் நாழியுப்பு நாழியான

சிவவாக்கியர்
**************
53.நாழியும் நாழியுப்பு நாழியான வாறுபோல்
ஆழியோனு மீசனு மமர்ந்துவாழ்ந் திருந்திடம்
எருதிலேறு மீசனு மியங்குசக்ரத் தரனையும்
வேறுகூறு பேசுவார் வீழ்வர்வீ ணரகிலே!

நாழி = ஒருபடி
நாழியுப்பு = ஒரு படியின் எல்லை

படியும், படியின் எல்லையும் படிக்குள் அடக்கம். ஆழ்கடலில் துயின்று கொண்டுள்ள சக்கரத்தைக் கையிலேந்தும் நாரணனும், எருதின்மீது அமர்ந்துள்ள அரனும், வேறு வேறு என உடலின் தத்துவம் அறியாமல் பேசுவார்கள். இதை அறியாதவர்கள் நரகில் வீழ்வார்.