பூர்வ ஜென்மம், புனர் ஜென்மம்

பூர்வ ஜென்மம், புனர் ஜென்மம்.
*********************************

முன் சென்மங்களில் செய்துள்ள புண்ணிய, பாவ வினைகளின் காரணமாய் இந்த சென்மத்தில் சுகம், துக்கம் முதலியவைகள் ஏற்படுகின்றன என்பதைச் சற்றிறங்கள் கூறுகின்றன. அவ்விதம் ஊழ்வினை காரணமாய் இப்பிறவியில் எந்த சமயத்தில் எதன்மூலம் மேற்கூறிய சுக துக்கங்கள் ஏற்படக்கூடும் என்பதைக் கணிப்பதே சோதிட சற்றிறம்.

இளங்கோவடிகள், "ஊழ் வினை உறுத்து வந்து ஊட்டும்" என்கிறார்.

மந்திரேஸ்வர முனிவர் எழுதிய"பாலதீபிகை" எனும் நூலில் "ரூபம் சீர்ஷஞ்ச வர்த்தமாந ஜந்ம" எனக் கூறியுள்ளார்.

இப்பிறவியை இலக்கினத்தாலும், அடுத்த சென்மத்தை 5ம் இடத்தாலும், 9ம் இடத்தினால் முன் சென்மத்தையும் அறி எனக் கூறியுள்ளார்.

ஆக, சோதிட சற்றிறத்தின்படி முன்பிறவி, அடுத்த பிறவி உண்டென அறிகிறோம்.

ஏழு பிறவிகள் உண்டெனவும் அவை யாவும் இப்பிறவியிலேயே நடக்கும் என்பார் சிலர்.

எழுபிறவி:

1.ஐம்பூதங்கள்
2.அவைகளின் கூட்டுறவால் உண்டான சக்திகள்
3.அச்சத்திகளை பிரிதிவிசத்தி உள்வாங்கி பழம், மருந்துப் பொருள்கள்
முதலியன காய்க்கும் மரங்களை(ஓஷதிகளை) வெளிப்படுத்தல்
4.ஓஷதிகளிலிருந்து வித்தாகிய சீவவுணவுகளை உண்டாக்கல்
5.உணவையுண்டு நாதபிந்துக்களை உண்டாக்கல்
6.நாதபிந்துக்களால் இனப்பெருக்கம் செய்தல்
7.மறுபடி மனித உருவாய் வெளிப்பட்டு நிற்றல்

பூர்வ சென்ம வாசம் என்பது கர்ப்ப கோள வாசம் என்பார் வள்ளலார்.

வள்ளலார்:
*********
இவ்வுடலுக்கு பிறப்பு ஏழு. அதுபோல் எழுவகைப் பிறப்பிலும் ஒவ்வொரு பிறப்பிற்கும் எவ்வேழு பிறப்புண்டு.அந்த எவ்வேழு பிறப்பும் ஒவ்வொன்றில் அனந்தமாய் விரிந்த யோனி பேதங்களின் விரிவெல்லாம் தோன்றி மேலேறி மறுபிறவி உண்டாம். ஒவ்வொரு பிறவியும் எந்தக் கல்பத்தில் நட்டமடைகிறதோ அந்தக் கல்பகாலம் வரையில் தோற்றமில்லாமல் மண்ணில் மறைந்திருந்தும் மறு கல்பத்தில் தோன்றி, இவ்விதமாகவே மற்ற யோனிகளிடத்தும் பிறந்து, முடிவில் இத்தேகம் கிடைத்தது.

ஏழு பிறவி:
*********
1.கர்ப்பத்தில் 5மாதம் வரையில் குழவியாயிருப்பது.
2.அவயவங்களின் உற்பத்திக் காலம்.
3.பிண்டம் வெளிப்பட்ட காலம்.
4.குழந்தைப் பருவம்.
5.பாலப் பருவம்.
6.குமாரப் பருவம்.
7.விருத்தப் பருவம்.

மேலும் துலப் பிறப்பு 7, சூக்குமப் பிறப்பு 7, காரணப் பிறப்பு 7.

தூல, சூக்குமப் பிறப்புகள்:

1.சாக்கிரம்
2.சொப்பனம்
3.சுழுத்தி
4.சாக்கிரத்தில் சொப்பனம்
5.சாக்கிரத்தில் சுழுத்தி
6.சொப்பனத்தில் சொப்பனம்
7.சொப்பனத்தில் சுழுத்தி

காரணப் பிறப்பு:

மனோ சங்கல்பமெல்லாம்(எண்ணங்கள்) பிறவி. இதற்குக் காரணம் நினைப்பு,மறப்பு. இவை ஒழியப் பிறவியில்லை.

ஞானிகளிக்குக் காரணப் பிறப்பு வேண்டும். அது கிட்டிவிட்டால்
எண்ணங்கள்தான் பிறவிகள். அவற்றிற்குக் காரணம் ஆசைகள் அதையொழிக்கப் பிறவியில்லை.