98.பெண்டுகள்சொல் கேட்கின்ற பேயரேனும்

விவேக சிந்தாமணி
**********************
98.பெண்டுகள்சொல் கேட்கின்ற பேயரேனும்
...........குணமூடப்பேடி லோபர்
முண்டைகளுக் கிணையில்லா முனைவீரர்
...........புருடரென மொழியொணாதே
உண்டுலக முதிப்பாருள் கீர்த்தியற
..........மின்னதென உணர்தலில்லார்
அண்டினவர் தமைக்கெடுப்பா ரழிவழிக்கே
.........செய்தவ ரறிவுதானே.

அறிவற்ற பெண்களின் சொல்கேட்டு நடக்கும் பேய்க்குணம் உடையவர்களே அறிவற்ற குணம் உடையவராம்; அவர் ஆண்தன்மை இல்லா பேடி என இகழப்படுவார். இத்தகையோரின் நிலை கைம்பெண்ணின் நிலையை விட ஒருபடி தாழ்ந்ததுதான்.(கணவனை இழந்தமையால் உதவியில்லாமையால் கைம்பெண்ணால் அக்காலத்தே ஒரு காரியமும் செய்ய இயலாது.)
போர் செய்யும் வீரம் உள்ள ஆடவரென்றும் கூறலாகாது. இவ்வுலகில் பிறப்போருள் அவர் அறத்தன்மை இன்னவகை என அறியும் தன்மை இல்லாதவராம். நல்லவரென நினைத்துத் தம்மிடம் சேர்ந்தோரைக் காப்பாற்றாது கெடுத்து விடுவார். பொய்வழக்குரைப்பதே இவர் அறிவின் இயற்கைக் குணமாம்.