94.ஆரம்பூண்ட மணிமார்பா வயோத்தி

விவேக சிந்தாமணி
********************
94.ஆரம்பூண்ட மணிமார்பா வயோத்திக்கரசே யண்ணாகேள்
ஈரமிருக்க மரமிருக்க இலைகளுதிர்ந்த வாரேது
வாரங்கொண்டு வழக்குரைத்து மண்மேணின்று வலிபேசி
ஓரஞ்சொன்ன குடியதுபோல லுதிர்ந்து கிடக்குந்தம்பியரே.

மாலையணிந்த அழகிய மார்பை உடைய அண்ணனே! அயோத்திக்கு அரசனே!
மரம் இருக்க, அதற்கு உயிராகிய தண்ணீரால் ஈரமும் இருக்க அதன் இலைகள் மட்டும் உதிருவது எப்படி உள்ளது?

பூமியில், தன் பேச்சின் வலிமையால் இல்லாததை இருப்பதுபோல் வழக்கை விவாதித்து, ஓரவஞ்சகமாய்த் தீர்ப்பு சொல்லி அதில் வரும் வரும்படியில் பங்கு கொண்டவன் குடும்பம்போல் உதிர்ந்து கிடக்கும், தம்பியரே!