63.தேளது தீயில்வீழ்ந்தால் செத்திடா

விவேக சிந்தாமணி
**********************
63.தேளது தீயில்வீழ்ந்தால் செத்திடா தெடுத்தபேரை
மீளவே கொடுக்கினால் மெய்யுறக் கொட்டலேபோல்
ஏளனம் பேசித்தீங்குற் றிருப்பதை யெதிர்கண்டாலும்
கோளினர் தமக்குநன்மை செய்வது குற்றமாமே.

தேளானது தீயில் வீழ்ந்துவிடுகிறது; அது இறந்துவிட்டதா இல்லையா எனப் பார்க்க எடுத்தவரை திருப்பிக் கொடுக்கினால் உடலில் பதியக் கொட்டும். அதுபோல, அங்கதம்(ஏளனம்) பேசி அதனால் துன்பமடைந்தவரைக் கண்முன்னே கண்டாலும் திருந்தாது கோள்சொல்லி அலைபவருக்கு நாம் நன்மை செய்தால் அதனால் துன்பமே வரும்.