62.கல்லாத மாந்தரையும் கடுங்கோப

விவேக சிந்தாமணி
*********************
62.கல்லாத மாந்தரையும் கடுங்கோபத்
துரைகளையும் காலம்தேர்ந்து
சொல்லாத வமைச்சரையுந் துயர்க்குதவாத்
தேவரையுஞ் சுருதிநூலில்
வல்லாவந் தணர்தமையுங் கொண்டவனோ
டெந்நாளும் வலதுபேசி
நல்லார்போ லருகிருக்கும் மனைவியையு
மொருநாளு நம்பொணாதே.

கல்வி அறிவில்லாத மனிதர்களையும், கடுங்கோபமுள்ள அரசர்களையும், வருங்கால நிகழ்வுகளை ஆய்ந்து அறிந்து நன்மை தீமைகளை வருமுன் சொல்லாத அமைச்சர்களையும், துன்பம் வந்து அல்லலுறும்போது அத்துன்பங்களை நீக்காத தெய்வங்களையும், வேதநூலின் உள்வயணங்கள் அறியா அந்தணர்களையும், எந்நாளும் வல்லமை பேசி நல்லவர்களைப்போல் கணவனின் அருகிருக்கும் மனையாட்டியையும், ஒரு நாளும் நம்பலாகாதே.