58.குறைகடல் வறுமையுங் குறத்தி

விவேக சிந்தாமணி
**********************
58.குறைகடல் வறுமையுங் குறத்தி யுண்மையும்
நறையற மருந்தையுண் டிளமை நண்ணலும்
விறைசெறி குழலினாள் வேசைய ராசையும்
அரையரன் பமைவது மைந்து மில்லையே.

வற்றாக் கடல் போன்ற வறுமையும், திருடுவதையே தொழிலாகக் கொண்ட குறத்தியின் சத்தியமும், மருந்துண்டு அடையும் வாலிபப் பருவமும், பரத்தையருக்கு ஒருவன்மேல் மட்டும் ஆசையுண்டாதலும், எல்லோரிடமும் அன்பு செலுத்தவேண்டிய அரசன் ஒருவர்மேல்மட்டும் தனிப்பட அன்பு செலுத்துதலும், இவை ஐந்தும் கிட்டல் அரிது.