57.சந்திரனில்லா வானந் தாமரையில்லா

விவேக சிந்தாமணி
**********************
57.சந்திரனில்லா வானந் தாமரையில்லாப் பொய்கை
மந்திரியில்ல வேந்தன் மதகரி யில்லாச்சேனை
சுந்தரப் புலவரில்லாத் தொல்சபை சுதரில்வாழ்வு
தந்திக ளில்லாவீணை தனமிலா மங்கைபோலாம்.

சந்திரன் இல்லா ஆகாயம், தாமரை இல்லாத தடாகம், மந்திரியில்லா அரசன், மதயானை இல்லாத சேனை, அழகுதமிழ்ப் புலவர் அற்ற சவை, நன்மக்களற்ற வாழ்க்கை, தந்தி நரம்பு இல்லாத வீணை, இவை யாவும் இருதனங்களற்ற மங்கையிடம் பெறும் சுகம் போல் வீணாகும்.