22.அஞ்சுமஞ்சு மஞ்சுமே யனாதியான

சிவவாக்கியர் - 22
*******************
யோக நிலை
**************

22.அஞ்சுமஞ்சு மஞ்சுமே யனாதியான
.............தஞ்சுமே
பிஞ்சுபிஞ்சு தல்லவோ பித்தர்காள்
..............பிதற்றுறீர்
நெஞ்சிலஞ்சு கொண்டுநீர் நின்றுதொக்க
.............வல்லிரே
லஞ்சுமில்லை யாறுமில் லனாதியாக
............தோன்றுமே.

ஐந்து உடல்கள்(கோசங்கள்):
உணவுடம்பு, காற்றுடம்பு, மன உடல், அறிவு உடல், இன்ப உடல்

ஐந்து கர்ம இந்திரியங்கள் :
கை, கால், வாய்,எருவாய், கருவாய் முறையே செங்கிருதத்தில் பாணி, பாத, வாக்கு, பாயுரு, உபத்தம்.

ஐந்து ஞான இந்திரியங்கள்:
மெய், வாய், கண், மூக்கு, செவி முறையே செங்கிருதத்தில் தொக்கு, சிங்குவை, சட்சு, ஆக்கிராணம், சோந்திரம்.

ஐம்பூதங்கள்:
மண், நீர், தீ, காற்று, ஆகாயம்

மேற்கூறிய ஐந்து உடல்கள், ஐந்து கர்ம இந்திரியங்கள், ஐந்து ஞான இந்திரியங்களும் அனாதியான ஐம்பூதங்களும் பிஞ்சு அல்லவா; பித்தர்களே பிதற்றாதீர்கள். நெஞ்சினில் ஐந்தெழுத்தை(சிவயநம) ஓர்மையுடன் நினைவினில் வைத்துக் கொள்ள வல்லவராயின், ஓதும் அஞ்சும், செல்லும் வழியாம் ஆறு ஆதரமுமில்லமல் போய் அனாதியான சீவன் நினைவில் ஒன்றுமே.