நவராத்திரி - இரண்டாம் நாள்

நவராத்திரி - இரண்டாம் நாள்
*************************************
மயிடத்தின்(எருமை) தலையுடனும், மனித உடலுடனும் இருந்த மகிடன்(மகிஷாசுரன்) எனும் அரக்கனை வதைத்த மகாலக்குமியின் அவதாரமான வராகியை(தேவியின் சேனைத் தலைவி) வழிபடல்வேண்டும். தேவி அவதாரத்தில் அவளின் தோற்றம்: சிவப்பு நிறத்தில் செந்தாமரையில் வீற்றிருக்கும் அம்மைக்கு 18 கைகள். அவைகளில், செபமாலை, கோடரி, கதை, அம்பு,வச்சிராயுதம், தாமரை, வில், கமண்டலம்,தண்டாயுதம், சக்தி ஆயுதம், கத்தி, கேடயம், சங்கு, மணி, மதுக்கலயம், சீலம், பாசம், சக்கரம் தாங்கியவள்.

இவளை,"இராச இராசேசுவரி"யாகத் துர்க்கயின் வடிவத்தில் பூசித்தல் நலம்; கரும்புவில், மலரம்பு, பாசாங்குசம் தாங்கிய வடிவத்தில் அலங்கரித்து வணங்குதல் நலமென்பார் சிலர்.

படையல்:வெண்பொங்கல், இனிப்புத் தீனி வகைகள்.
துதிக்கவேண்டிய இராகம்: கல்யாணி