60.பொருளிலார்க் கின்பமில்லை புண்ணிய மில்லை

விவேக சிந்தாமணி
********************
60.பொருளிலார்க் கின்பமில்லை புண்ணிய மில்லையென்று
மருவிய கீர்த்தியில்லை மைந்தரிற் பெருமையில்லை
கருதிய கருமமில்லை கதிபெற வழியுமில்லை
பெருநிலந் தனிற்சஞ்சாரப் பிரேதமாய்த் திரிகுவாரே.

இவ்வுலகில் பொருளில்லா வறியோர்க்கு உலக இன்பமில்லை; பொருளின்மையால் அறம் செய்ய இயலா நிலயில் இருப்பதால் புண்ணியமில்லை; புகழுமில்லை. மற்றைய மனிதர்கள் கூட்டத்தில் நன்மதிப்பில்லை. நினைத்தபடி எச்செயலையும் செய்ய இயலாமை. நற்கதி பெற நல் வழி கிட்டவில்லை. இப்பரந்த உலகில் வறியோர் நடைப்பிணமாக அலைந்து திரிவர்.