35.சம்புவே யென்னபுத்தி சலந்தனில்

விவேக சிந்தாமணி
**********************

35.சம்புவே யென்னபுத்தி சலந்தனில் மீனைநம்பி
வம்புறு வடத்தைப்போட்டு வானத்தைப் பார்ப்பதேனோ
அம்புவி மாதேகேளா யரசனை யகலவிட்டு
வம்பனைக் கைப்பிடித்த வாறுபோ லாயிற்றன்றே.

புத்தியில்லா நரியே! நீரில் துள்ளிய மீனை நம்பி கையிலுள்ள மாமிசத் துண்டை இழந்து வானத்தைப் பார்ப்பதேனோ? என்ன காரணம்?" எனக் கேட்ட பெண்ணை நோக்கி நரி, "அரசனை விட்டுவிட்டு வம்பனைக் கைப்பிடித்தது போலாயிற்று! என்று அறிவாய் பெண்ணே!" என்றது.