29.தன்னுட லினுக்கொன்றீந்தால்

விவேக சிந்தாமணி
**********************

29.தன்னுட லினுக்கொன்றீந்தால் தக்கதோர் பலமதாகும்
மின்னியல் வேசிக்கீந்தால் மெய்யிலே வியாதியாகும்
மன்னிய உறவுக்கீந்தால் வருவது மயக்கமாகும்
அன்னிய பரத்துக் கீந்தா லாருயிர்க் குதவியாமே.

தன் உடலுக்கு ஈந்தால் அதற்குத் தக்க வலிமை உண்டாகும்.
விலைமாதருக்கீந்தால் தம் உடலிலே நோய் வரும். சுற்றத்தாருக்கு ஈந்தால், எனக்குக் குறைவு, அவனுக்குக் கூட என்று சண்டை வருவதால் மனக்கலக்கம் வரும். பிறரின் உடலுக்குப் பயன் தருமாறு கொடுக்க, மறுமையில் எடுக்கப் போகும் அரிய உயிருக்கு உதவி புரிவதாகும்.