28.திருப்பதி மிதியாப்பாதஞ் சிவனடி

விவேக சிந்தாமணி
**********************

28.திருப்பதி மிதியாப்பாதஞ் சிவனடி வணங்காச் சென்னி
இரப்பவர்க் கீயாக்கைக ளினியசொற் கேளாக்காது
புரப்பவர் தங்கள் கண்ணீர் பொழிதரச் சாகாதேகம்
இருப்பினும் பயனென்காட்டி லெரிப்பினு மில்லைதானே.

திருப்பதி மிதியாத பாதம், சிவனடி வணங்காத தலை, இரப்பவருக்குக் கொடுக்காத கை, இனிய சொற்களைக் கேட்காத காது, தங்களைப் பாதுகாப்பவர் கண்களில் கண்ணீர் கண்டும் உயிர் கொடுக்காதவனின் உடலும், இருந்தும் பயனில்லை; காட்டில் எரித்தாலும் பயனில்லை.