16.அஞ்சுமூணு மெட்டதா யநாதியான

சிவவாக்கியர் - 16
*******************
யோக நிலை
**************
16.அஞ்சுமூணு மெட்டதா யநாதியான
..............மந்திரம்
நெஞ்சிலே நினைந்துகொண்டு நூறுருச்
.............செபிப்பீரேல்
பஞ்சமான பாதகங்க ணூறுகோடி
..............செய்யினும்
பஞ்சுபோல் பறக்குமென்று நான்மறைகள்
..............பன்னுமே.

அஞ்சுஎழுத்தாகிய "சிவாயநம" வும் சூரிய, சந்திர, அக்கினி கலைகளாகிய முக்கலைகளும் சேர்ந்து எட்டாகும். இதுவே அநாதியான (ஆதிக்கு முன்னதான தோற்றமின்மை) மந்திரம். இம்மந்திரத்தை ஓர்மையான மனத்தில் நூறு முறை செபித்தால், பஞ்சமாபாதகங்கள் நூறுகோடி செய்திருப்பினும் பஞ்சுபோல் பறக்குமென்று நாலு வேதங்களும் கூறுகின்றன.

அதற்காக, பஞ்சமாபாதகம் செய்யலாம் என்ற கருத்து இல்லை. பாவங்களின் தன்மையைக் காட்டவே இவ்வாறு கூறுகிறார் சிவவாக்கியர்.