13.தூரதூரந் தூரமென்று சொல்லுவார்கள்

சிவவாக்கியர் - 13
*******************
ஞான நிலை
***********

13.தூரதூரந் தூரமென்று சொல்லுவார்கள்
..............சோம்பர்கள்
பாரும்விண்ணு மெங்குமாய் பரந்தவிப்
.............பராபரம்
ஊருகாடுநாடுதேடி யுழன்றுதேடு
............மூமைகாள்
நேரதாக வும்முளே யறிந்துணர்ந்து கொள்ளுமே.

பராபரம் இருக்குமிடம் வெகு தூரம், தூரம் என்று சொல்லிக்கொண்டு இருப்பார்கள் சோம்பேரிகள்.

பராபரமோ உலகிலும்(பாரிலும்), விண்ணிலும்எங்குமாய்ப் பரந்து விரிந்துள்ளது. பராபரத்தைத் தேடும் ஊமைகள் அது , ஊர், காடு, நாடு ஆகியவிடங்களில் எல்லாம் இருக்கிறதுஎனத் தேடி உழன்று கொண்டிருக்கிறார்கள்.

நேராக நம் உடலுக்குள்ளேயே அந்தப் பராபரம் உள்ளது என்பதை அறிந்துகொள்வீர்களே.