52.யானையைச் சலந்தனி லிழுத்த

விவேக சிந்தாமணி
*********************
52.யானையைச் சலந்தனி லிழுத்த வக்கரா
பூனையைக் கரைதனிற் பிடிக்கப் போகுமோ
தானையுந் தலைவரும் தலம்விட் டேகினால்
சேனையுஞ் செல்வமுந் தியங்கு வார்களே.

நீரிலிருக்கும் முதலை அங்கு வந்த யானையைக் கெளவ்விப் பிடித்திழுக்கும். அதுவே நிலத்தில் வந்து பூனையைப் பிடிக்கக் கரைக்கு வராது. அதுபோல், தலைவன்(அரசன்) தன் சேனைகளுடன் தன் பாதுகாப்பான இருப்பிடம் விட்டுச் சென்றால், படைகளும் செல்வமும் நிலைகுலைந்து வலிமையின்றிப் பகைவரிடம் அகப்பட்டு மயங்குவர்.