25.பொன்னொடு மணியுண்டானால்

விவேக சிந்தாமணி
**********************

25.பொன்னொடு மணியுண்டானால் புலைஞனும் கிளைஞனென்று
தன்னையும் புகழ்ந்துகொண்டு சாதியின் மணமுஞ்செய்வார்
மன்னரா யிருந்தபேர்கள் வகைகெட்டுப் போவாராகில்
பின்னையு மாரோவென்று பேசுவா ரேசுவாரே.

பொன்னும் பொருளும் புகழும் ஒருவனுக்கு வந்துவிட்டால் அவன் புலையனானாலும் உயர்சாதியில் பெண்பார்த்து மணமுடிப்பான். அரசராயிருந்தவரும் ஒரு வழியுமின்றிக் கெட்டுப் போனால் அவரை யாரோ எவரோ என இழித்துப் பேசுவார்கள்.